ಕ್ಷಣಿಕದ ಚಂಚಲತೆ

ನೆನ್ನೆ ಏನೋ ಒಂದು ವಿಷಯದ ಬಗ್ಗೆ ಅಷ್ಟೊತ್ತು ಗಾಢವಾಗಿ ವಿಚಾರಿಸಿ ಇನ್ನೇನು ಅದನ್ನು ಅಕ್ಷರ ರೂಪದಲ್ಲಿ ಬದಲಾಯಿಸಬೇಕು ಎನ್ನುವಾಗಲೇ, ಹಿಂದಿಂದ ಬಂದ ಸಹೋದ್ಯೋಗಿಯನ್ನು ನೋಡಿ ಒಂದೆರಡು ಮಾತಾಡಿದರಾಯ್ತು ಎಂದು ಅವಳ ಕಡೆ ತಿರುಗಿದೆ. ಅಷ್ಟೇ. ಅದಾದ ಮೇಲೆ ಆ ವಿಚಾರ ಅಷ್ಟೊಂದು ಹೊತ್ತು (ಕನಿಷ್ಠ ೨-೩ ಗಂಟೆ) ನನ್ನ ತಲೆಯನ್ನು ಸುತ್ತುತ್ತಿದ್ದ ಅದು ಮಿಂಚಿನಂತೆ ಮಾಯಾ:-( ಅದಕ್ಕೆ ಇರಬೇಕು ಏನಾದರು ಮಾಡಲು ಧ್ಯಾನ ಬೇಕು, ಏಕಾಂತ ಬೇಕು . ಹೀಗೆ ಎಷ್ಟೊಂದು ಅಮೂಲ್ಯವಾದ ಅವಕಾಶಗಳನ್ನು ಹಾಳು ಮಾಡಿಕೊಂಡಿರುವೇನೋ ಏನೋ? ಈಗಲಾದರೂ ಆ ಏಕಾಗ್ರತೆ ಬರಬಾರದೆ ಎಂದು ಹಪಿಹಪಿಸಿ ಮತ್ತೆ ಕಾಲ ಕಳೆದುಕೊಳ್ಳುತ್ತಿರುವೆ.ಆ ನಿಶ್ಚಲತೆ ಬೇಗ ಕೂಡಿ ಬರಲೆಂದು ತವಕಿಸುತ್ತಿರುವ ಅವಿವೇಕಿ.